సర్పంచ్ అభ్యర్థిగా కోడూరు స్వర్ణలత శివకుమార్ గౌడు నామినేషన్
నవంబర్ 30, నల్లా సమాచార్ న్యూస్, బచ్చన్నపేట :
తెలంగాణ రాష్ట్ర రెండవ గ్రామపంచాయతీ సాధారణ ఎన్నికలు 2025 రెండో విడత ఎన్నికల్లో భాగంగా డిసెంబర్ 14న నిర్వహించే ఎన్నికలకు బచ్చన్నపేట మండలం కొన్నే కేంద్రంలో సర్పంచ్, వార్డ్ మెంబర్ల అభ్యర్థుల నామినేషన్ల స్వీకరణ మొదలైంది. అనేక సేవా కార్యక్రమాలతో నిత్యం ప్రజల్లో ఉండే సామాజికవేత్త, బిఆర్ఎస్ పార్టీ సీనియర్ నాయకులు కోడూరు స్వర్ణలత శివకుమార్ గౌడు లు కొన్నే గ్రామ బిఆర్ఎస్ పార్టీ సర్పంచ్ అభ్యర్థిగా ఈ రోజు నామినేషన్ వేశారు. గ్రామంలో అనేక స్వచ్ఛంద సేవలతో ముఖ్యంగా, అనారోగ్యంతో బాధపడుతున్న వారికి బాసటగా, ప్రతి పేదింటి పెళ్లిలో పెద్దన్నల, మృతి చెందిన ప్రతి ఇంటికి పెద్ద కొడుకుల, వయోవృద్ధులకు చేతి కర్రల, ప్రతి ఇంటిలో ప్రజల దాహార్తి తీర్చే సుజల వాటర్ క్యాన్ల లా, ప్రజల మనసులో కోడూరు ముందున్నారు. విజయం సాధించి కొన్నే గ్రామానికి సర్పంచిగా సేవలు అందించి గ్రామ అభివృద్ధిలో దూసుకుపోయే విధంగా, కొన్నే ను ఆదర్శ గ్రామంగా తీర్చిదిద్దడమే తన జీవితాశయంగా కోడూరు శివకుమార్ గౌడ్ పేర్కొన్నారు.