నవంబర్ 30, నల్లా సమాచార్ న్యూస్, బచ్చన్నపేట :
తెలంగాణ రాష్ట్ర రెండవ గ్రామపంచాయతీ సాధారణ ఎన్నికలు 2025 రెండో విడత ఎన్నికల్లో భాగంగా డిసెంబర్ 14న నిర్వహించే ఎన్నికలకు బచ్చన్నపేట మండలం కొన్నే కేంద్రంలో సర్పంచ్, వార్డ్ మెంబర్ల అభ్యర్థుల నామినేషన్ల స్వీకరణ మొదలైంది. ఈరోజు నుంచి మొదలైన కార్యక్రమం డిసెంబర్ 2 వరకు కొనసాగుతుంది. కొన్నే, లింగంపల్లి, ఇటుకలపల్లి, రామచంద్రాపురం, దబగుంటపల్లి గ్రామాల నుండి అభ్యర్థులు నామినేషన్లకు సంబంధించిన తగు పత్రాలతో కేంద్రానికి చేరుకుంటున్నారు. ఈ సందర్భంగా అధికారులు ఎన్నికల నియమావళిని అనుసరించి తగిన ఏర్పాట్లు చేశారు.